心心與姐姐@挪亞方舟

19/4 星期日去了挪亞方舟, 今次IDA 負責購票 其實好貴 要$120.00一個人,但由於經教會買票可以半價,還是去走一趟 約左10:00 本來都叫亞傑去架,但呢佢成晚都冇打過來,一方面有小小嬲 另一面我又擔心佢太夜玩得,再咁早就好辛苦又累..唔ENJOY 又唔係咁好,還是 SEND 個 MASSAGE話佢知算.. 入到去就完全同衰鬼上帝2個隻船一樣
不過我其實覺得麻麻地,或者未玩晒D野,但對於我的反醒度一般,但生活反思個部份我相信可以幫到D香港人的

呢個係生命工作仿的其中一個環節

方舟 = 拯救.. 我又願意上這隻船呢? 我上了,但我家人還有好多仍未進去, 傑的爸媽細路都未..

盼望提醒自己..一生的使命能叫更多人..仲要係家人上這方舟

傑媽媽@生日413

今天去了"富臨" 食晚飯.. 今日係我人生好多第一次 點解呢 ?? 因為傑 媽媽生日 第一次佢地一家四口可以出街食飯 ..仲有我份 傑平時都唔多同枱食飯同佢老豆..今次都算係破例,仲要係佢比錢架 希望佢媽媽開心啦 ! 如果可以改變關係 就好啦 ! 不過都唔係我可以做到的 天父爸爸交給你


求天父拆毁冤仇的牆..天父只有你的愛與恩典可以做到 求你憐憫給我有參與的機會

傑蓮@新宿事件

好耐冇睇過戲,昨天傑都講好左今天會去睇戲,一早我就去左買票,坐 J 行 都唔係咁多人睇,可能都上影了一段時間.睇左有D嘔心 由其是吳彥祖比人用刀芥花塊面之後比人放左隻手向個鑊度,再用鏟鏟斷左隻手個一幕..真係好殘忍... 其實套戲我都係麻麻..不過算係可以同佢行下街..之後落雨可以雨中漫步咁啦

傑@回來

等了 好多天..終於回來, 今次旅程主要去影相都知佢好辛苦 .. 星期六在團契時間先有機會見到佢,在日本回來真係會型d 架hehe 睇下佢個樣.. 我好開心呀 ! 因為佢陪我返團契,仲買手信比大家食tim..我話佢 : 越來越好 仲買左手信比我 唔少架. 最開心係 佢買埋同一件衫比我麻.(呢現在著個件..我仲話靚tim,點知買左件比我) 好開心 又感動

插花@復活090411

星期六一早, 我要插花 今次好緊張,一方面係復活節 另一方牧師又有要求..要大同多花. 再講每次越唔能平常心就越插得唔好,所以一早都平衡左自己個心理.方法得一 "祈禱" "靠著那加給我力量的凡事都能作" "盡字" 唔好急唔好緊張唔好貪靚唔好自以為勁... 要調較係唔容易..最後買錯左好多花.. 但感謝主依然保護我 花雖殘但主能使它再美麗動人 香氣樸鼻. 今次插得幾好.. 傑都讚我 HEHE 佢仲幫我搬花,每次可以同佢一齊事奉我都好開心 係由心而發的喜樂

主耶穌@復活節北上

今個復活沒有什麼安排,傑去了日本做野..事先沒有計劃什麼,再加上病左就更加沒想去邊度..

10/4個天受難節. 由於大家都話返崇拜都叫我要提起勁返教會去. 那個早晨..我最大的感受是 "配得" 這個字..不是嗎? 有誰配得我頌讚尊崇..天父爸爸只有你 "配得"

團契的人北上去大陸一天團..最後我還是去了..雖然心都等待傑回來..但他也要10點多才落機..還是心思思去行行好了..我都要積極參與HEH.. 去了食一餐韓國TEA .. 辣得來酸 我最近最愛的味道..不過未好返 所以未夠盡情..同佢地一行 十一人 其實無聊的時間好多.唔洗有咩節目都可以玩一餐..咩都講得 咩都玩得.. 隨意得離又好開心 HEHEH.. 夜晚主要係去食 "品村" 料理. 本來去到都BOOK晒位FULL 左 不過呢加小小錢..就入到間大房 好大架間房 我們都係玩下 排骰 飯筒個D遊戲啦 !! 不過我回家心切 急急急 !! 因為傑好快回港..好想等佢回來噢..誰不知都係趕唔及.. 7天啦!!

家庭日@傑去日本

今日家庭日,沒有返團契也沒有返崇拜 跟家人再去蝴蝶灣BBQ.. 因為傑不在..就等埋IDA 一齊去,心心一來到就問 IRIS : 傑哥哥在那裡呀 ! 我答佢去左日本 ..心回覆 : 係咪即係 JAPAN 呀!
好攪笑我呢個姪女 好喜歡男士的 HEHE..當然特別喜歡傑哥哥啦 !!

今次帶埋心溫去,佢好攪笑有好肉,有多表情

不過燒燒下 家姐話醫院急CALL 佢返去..好擔心呀 !! 我只可以交給主爸爸了 ..求主拿開一切的殺害盜竊毁壞..願天父你的保護在其中

蓮傑@二人比一人好

決定寄出申請禮堂的信..也代表真真正正進入婚姻的旅途.. 希望把過程感想一一記下.. 讓一切都由神的祝福開始

地點 : 天恩堂

日期 : 2010年4月18日 (星期日)