牧區@laughing 歌

職青拿了多個奬.感恩 !!!

傑蓮@澳門自拍婚紗照

呢張傑要跑左9秒9,件衫污穢晒.所以更覺靚

呢張遠景我好喜歡,影到好sweet, 同埋影到我身材好正

好靚! 好有feel, 自拍都有呢個效果,傑你好專業

呢張睇到我個樣啦 ! 自己set 頭,化妝,揀衫,自拍,買鞋,裝飾

我覺得好滿足呀!! 好有成功感 好開心好靚,亞傑好勁 !

呢張在威尼斯房間走廊

房間好舒服,又夠光,又有大鏡梳妝枱..真係好正 感謝主!!

今次去自拍,我好開心,我地仲去左食天麻村弓魚鯇米(十月初五街) 好好味呀! 奶油包 <-- 極品

自拍的過程好小時間,不過因為天氣麻麻好大風,吹到個頭小小亂,但好開心好好笑.. 傑set 好晒d野,就會跑到我身邊,跟住就在3秒內叫我點擺好個post,之後等聽聲 "咔" 就攪掂 ! 大家對住大家好好笑架 !! kiss 位冇尷尬的,好自然

又叫到so哥買平船票,都多謝佢 !! 影完晒相去左官也街買手信..買買買 食食食 開心 !!

團契@筋肉雷台

團契日 .. 好開心今日返團契學琴 同亞傑食完午飯 一齊返團契再返祈禱會 再玩遊戲.. 佢仲練埋詩.. 返崇拜再一齊食飯..開心都我不得了 多謝天父 多謝傑

不過團契好多人冇返喎 !!!!!!!去晒邊

傑蓮@天使與魔鬼

5月22 約左傑見戲,我發覺自己間時都會有老毛病,就是想太多會變得退後.. 今日想亞傑陪我,所以主動同佢講..佢建意睇天使與魔鬼..入場前有小小蝦碌..因為睇 7:00 大家都好趕..傑在大陸返港.我又走左班車..差不多6:55 先到旺角,講好左我買小小野食 ...唉 本來係買燒買 唔知點解 走暈左方沿百里都找不到小食店.. 我好急,又怕亞傑到 所以走左個大圈找不到 才回去買豆腐店..我買一份煎豆腐 一份煎襄三寶..等左成5-8分鐘都未有..真係"急死人" 唉點知冇留意原來係一大份..想落我應該都要為咁貴而想想有問題..不過太急啦 !! 我怕亞傑鬧人怪我遲左所以都冇時間諗 .. 之後又比佢話左一餐 >,< 我都唔想架麻 !!!!!!!!! 不過向戲院買咁大餐野又真係幾好笑 HEHEHEHHEHE 咁人生就係難得糊塗

呢套戲我形容係..戲情緊湊睇完都唔覺2小時..不過有小小唔知點..不過佢講 教會與科學不能共存
講錫安教會,話D基督徒逼迫佢地,要炸左成個梵諦岡..之後個主角仲做一大場戲搵命博騙了全世界..咁當然最後唔得逞啦 !! 不過算係冇悶場啦 !!之後返荃灣食粥 好開心 !! 同亞傑過了好開心的一天感謝主爸爸

傑蓮@藝術展

17/5 一大早上,我去了傑家,跟他食過午飯 到了他家一會兒. 我們就出去會展啦 !!
其實我都愛看這些,但總是會不明白作者的表逹..那天差不多 3點先出發,6:00 收其實好緊張d時間,
去到入門要比錢.. 點知佢話兩位 $410 嘩!! 其實真係幾貴. 不過一場去到都要入去
突然間,傑說總之我一個人來 ..當時有小小唔開心,好唔明白點解佢咁講, 可能覺得唔岩我?? 都唔知啦 ! 所以由於時間緊迫,我有我看他有他影吧 !! 其實成場作品,有一些的確深深吸引著人去看..
這張 .. 傑影得好好 ..你看背後是白鴿兒送來的橄欖.. 就是重新 是拯救噢 !!
其實我都幾愛油劃的

雲南團友@五周年記念日

五年前,我,傑,菁 & 鍾 一行4人去雲南旅行..就是這樣我們認識了一班好好好好好好 好到冇人有的團友..佢地都比我們年紀大 , 感覺又親又照顧我們..其實感謝天父給我們認識這班朋友,讓我們更感幸福. 這個小朋友..佢爸媽跟我們一起去旅行..現在帶個結晶品..真係好似一家人


今次主角係石生.. 事原係佢冇LALA 話比我地知結左婚. 所以大家都諗住嚴刑迫供..問下佢點解結婚都唔通知我地 .. 結果就真係咩都套晒出來..哈 石仔都算唔話得啦 !!


合照 .. 傑冇去

Family@BBQ 蝴蝶灣

第二早,我們一家人要去 BBQ,其實都好病..但我唔想再訓,想出外走走.. 當然傑佢冇打來,也冇問過我點.或者佢都嬲都唔開心, 我呢 ? 我也只好跟家人出外鬆鬆自己. 不過我還是想跟他打個招呼問一下佢,何時何刻都想將家庭的愛與維繫跟你分享,盼望你可以在我家庭中歡然享受.. 所以我好想你能夠輕鬆的過一天,經歷多一點愛

跟家人一起.總是感覺舒服安然.. 看看 勇勇 心心 哥哥 水槍大戰 !! 的確好開心 我好感激愛我們的家人

傑蓮@澳門行5.1-2

5月1日 去了澳門,由於冇咩好做..就用最平的方法去澳門走走, 叫 SO哥買左190元來回船票 同埋去姑姐度住.. 本來都好好地.. 但我就病左 喉嚨突然開始痛..但都買晒票都係去吧 !!由於"豬流感"最近在全球爆發..其實都擔心過唔到境,不過我好想同你一齊去行下所以病都想去
一早坐930巴士去早左成個鐘,我地今天係坐 "金光飛航"的在氹仔落船,一去到我地就去"十月初五街"食天麻川弓魚鯇米:....... 但好唔開心行到成身濕晒去度話冇開.. 當刻真係好失望,不過我知亞傑都係,所以都唔敢出聲.. 唯有是旦找一間食..之後又去左食糖水.. 其實我好辛苦又病仲要就快來M (我差不多架啦,不過唔知係呢日)..好累好累.. 之後都係回家去.
返到姑姐家..坐左一陣就訓左一陣.. 跟住就出去搵野食.. 我地去左排魚翅麵,其實都估到唔係好食過人,不過就想試一下. 排左15分鐘都唔算耐..好快就食完 跟住就行去威尼斯人.. 傑一去到就玩..我地行左去四季酒店,見到間餐廳佢話如果羸夠 3千就請我去食.. 之後我同佢入到去我自己行開左,因為想佢自己玩得盡情D.. 等下等..我好累真係好累.. 我收到佢電話 我行過去..佢真係羸到2600..
我本應叫佢走..但佢面色有變.. 其實佢係叫我好食自助餐的. 不過我心想,有都留返D錢你自己用啦 !! 因為佢目標係 3千.佢就再現...噢 !!!!!!! 輸返晒,最後打個和... 之後走..其實我真係好累.開始好不耐煩..又咁岩佢行錯左路..我真係有小小發蚊..... 最後唯有坐車. 返到去..我不自覺蚊蚊地..就發佢脾氣... 其實佢都發返我脾氣.. 當時就係一句 我們就分開左. 我個心好平靜,但我會問為什麼又走左去唔理我 ? 當刻我走左去第二度睇下有冇野食,因為我要食藥..才知鎖匙在佢度. 都係要返轉頭找佢, 回家了 我執拾衣服去沖涼..佢話要落街買野,我都知佢係買野食..心都知佢都總是讓步架啦 !! 之後食飽我就同佢講返幾句,不過呢 !!我冇勇氣開口叫佢唔好開冷氣, 其實我係好辛苦..我靜靜咁出左廳訓,因為冷氣下我會更辛苦.. 在晚上佢都有叫我入去訓開風扇..攪笑個風扇唔岩插頭,都係要訓廳... 就是這樣好辛苦過左一晚,有時我想第時我大病都唔知會點,此終傑都唔係一個細心的人,大小事有事好多時都好疏忽..佢唔明白我 !! 第二朝M來了,我更明白昨晚為什麼咁辛苦..男人啊 ! 請你體諒一下女人噢！！！