愛囡晰晰@不肯吃奶樽

我們@化妝make up forever

因為有左 bb,好多野都冇記下 , 因為這些日子太疲累.. 記憶又弱.. 內心的感受都變得弱了。但其實呢幾個月, bb女一直陪我上堂..學化妝

諗諗下 我們是由 2,3月開始,而我都係 2,3月知道bb的存在..沒想到會跟她一起上學去 。由初班, 到認識深左 , 發覺其實自己化妝的天份唔大, 可能由細到大都冇留意人. 咩係靚同好有時都分唔出, 唯一自己可有的仲有小小 著色天份 同都對美 有小小要求.. 先叫做可以考慮下將來做下 part time

其實學化妝一心為左同老公一齊可以做同一件事,而且結婚自己影相之後,對化妝興趣多了... 令人靚都幾有滿足感,可惜的是 我對化妝真係 0 認識, 我要重新學過 其實真係有d蝕底

亞嫂洛洛@612洗禮

地點 : 崇真堂
日期 : 2001.6.12
時間 : 11:00am
感恩亞嫂同洛鋒洗禮了 ,由亞嫂信到現在其實都好小跟他談到信仰, 只是唔想她為小朋友入學而洗禮, 今次我相信她是堅定的 ..盼望天父的愛都充滿她 ..原來亞哥仲未決志, 這個真的是要天父開路恩典臨到..我希望細哥快d 信主 .. 叫一家人都可以同心同行
也求主堅固亞嫂信仰的心 !! 賜她有好的土壤..盛栽主的話 為主大發熱心 !!! 天父願你的國臨在我家庭當中 叫我和我一家都得救 !!

老公@610生日快樂

地點 : i square

老公生日,今年bb仔在個肚中 都沒有動力攪咩新意思,只好靠兄弟姊妹們。上年的開心還在腦中瀝瀝在目..想起都開心 !! 今年都想找返同樣班底 再加埋何生何太 希望老公可以開開心心過生日,雖然佢都會覺得冇咩特別 , 但一班人熱鬧d 我相信佢開心好多 !!!!!!! 明年有bb女同爸爸慶祝..希望一年比一年開心 一年比一年幸福 !! 老公我希望你開開心心 永遠幸福

4.18 一週年

4.17 因為我們明天後天大後天大大後天都唔得閒.. 所以叫老公 4.17提早慶祝下, 本來係好開心..因為老公話同我去 "彼思個展會" 仲叫埋耶敏善淋佢地 ..點知老公煲湯仲要飲埋走 ..遲大到 >.<
小小唔開心 ..個展會都幾好睇 ..有趣的..我好欣賞佢地的畫功 ..可以說是 一流 我真的比佢地的手稿吸引著



是晚同cherrie,善淋一齊食週年飯 ..不過冇同佢地講 當平時食飯算

4.18 一週年..心情都唔錯..出門前叫老公同我講野 ??其實我都唔知想佢講乜 ? 只係想佢講d 野 he
佢同我講 "一週年快樂" .. 咦..真是旦
日子就這樣 一年 了,在fb 寫了一篇感想,回顧2010.4.18 的事,好開心呢 ! 本來這天都沒有想過會有咩特別,仲要上課 ..有點辛苦, 不過我真係好開心..10點回到家 ..我見到我老公把花放在枱上,人在洗手間在洗廁所..我好感動 ! 即使煮房又一大堆未洗的碗 我都好開心..傻老 !! 哈 !! 我幫佢洗碗 洗洗下..發現煮房好多堆水.. LOL.. ..原來條渠塞塞地 .. 我地一齊整乾個煮房 一齊清潔.. 好開心 好乾淨
我覺得好幸福..BB 爸爸真係好 !! 每次見到佢個傻樣我都好著迷 HEHHEHEHE

多謝老公 !

插花@20110219

主你是沙倫的玫瑰, 是谷中百合花 你的愛情比酒更美 (你要成為我最愛的情人) 我送給你的情人節禮物,現在是四顆心 願一起相連

新生命@我們的孩子,神所賜的產業

2011年2月10日 到診所就診,知道你的來臨,百感交雜

我們的bb 來了,比預期中戰戰兢兢, 我要感謝我天父告訴我這是你賜給我倆的禮物..叫我們不用怕,只要信 只要依靠 願"她//他"要成為敬虔的人 愛主愛人 喜樂每天

2月17日 第一次見婦產科尤醫生... 照素描..我和爸爸聽到你的心跳..我的淚流下了 (只有 0.96cm的你 已有7週) 願你每天都好好成長 有耶穌基督的身量

預產期會是 2011年10月8日

職青@由午飯團年食到晚飯團年

其實我地班職青人 一日到黑都係食食食 .. 不過就好開心 !! 但係還欠小小野..主求你愛我們,讓我們都有主在我們當中坐著為王

蓮化妝文憑@with善淋irene

2011年1月30日決定報名學化妝..為了將來又想跟老公有機會做拍檔,我想試一試
用了差不多 3萬蚊..爸爸求你祝福我有這方面的聰明,創意,悟性 可以發展得好
求天父幫助

傑蓮@出bonus食團年飯

日期 : 28 Jan 2011

地點 : 旺角

店名 : 和井鐵板燒

呢餐飯食左 $580 但好好味,好開心 因為我最開心老公會帶我去分享佢的野

包括佢的 bonus heheh 開心 好好味呀 !!仲好飽 最好食係個 蝦 ! 飯都好味

魚就麻麻

插花@經歷神 2

01115@插花 (中西式)

這個要感謝主,今次好簡單買左 165蚊花, 因為新年都是賣年花,可選擇的實在有限, 但我好感謝主 我覺得這盤花我好滿意,感覺得中式花插到 西式的感覺 ,一點也不土 也不"娘" 好開心,而且仲冇乜浪費花 ,感謝天父

傑@老公愛心湯

今晚去以勒帶敬拜,見到郭思..我還是感謝神預備得不是太好,還給我好大的平安 盼望自己得忠心事奉,不過就..好似帶得麻麻同冇咩說話內容 要更新

回家了天氣好凍,老公的打來問我回家沒,差不多返到了,他問我食飯未 我話食左 佢話煲粟米湯我飲..真係好心甜..回到家佢煲緊.. 見到呢個場面真係好開心 好滿足, 多謝你
雖然d 碗未洗..但都洗得好開心,要佢一個人煮一個人食 真係.. 跟住飲埋個湯 ..."正" 感謝神 多謝老公 好幸褔 主 我最近天天都聽到這首歌

"在你殿裡活一天,勝過別處住千天.你賜我豐富恩典 是你赦免我過犯,醫好我我深深處..就讓我一生回應你大愛"

感謝天父

傑蓮@工展會

1月3日去了工展會,跟老公行街好開心..其實唔想煮飯 >.< 雖然小小意見不合 但都好開心
因為自己做了水魚..但係老公比錢 感覺好好笑
買左封食物口個d 一條條膠..citysuper 買 100 先得 6條 現在就有 12條 heheheh 但真係覺得自己
人云亦云..怕執輸個個心態,買左之後我就唔敢再做第二次水魚了,我老公唔明白 跟住為左 2樽賣 $25蚊的好立克我地又冇事 .. 老公多謝 好愛你 呀 hhehehhehehheheheheheheheheheheh
之後我地買左 蠔油同其蒜容..回家 都係要煮飯 我煲湯 佢炒飯 好開心
唔知老公開唔開心呢 ??!?!?!?!?!?!?!?!?!?!?!?!?!?!?!?!?!?!?!?

職青組@迎接2011

又一年.. 今年是35歲了..2010年發生的事確實好多,恩典也數之不盡..最大的轉變是我由陳小姐變為曾太..這條路漫長 差不多10年的感情長跑,進入了新的"里程碑"

而我由青衣家搬到新的家庭..對爸爸媽媽家姐是好不捨得, 我擔心老豆都擔心亞媽 .. 有時覺得自己都好不孝的..都唔知可以點..但我想老豆開心d .. 天父求你賜福給老豆 同亞媽

而今年有 n對朋友都結婚..哈d 人情比返晒佢地..hehehhehehhe
4月係我同亞傑
5月妹妹,亞j
6月依庭,榮
7月偉仔,怡
9月碧雯,波
11月枝泉
11月 simon
12月粉,celvin.... 1月都仲要飲 ..團契開始轉變..好多家庭
昨天同老公傾開.. 我沒有想過自己會為生bb的問題而煩..一直都諗按神的旨意. 唔知點解..其實都知 我變得心急起上離.. 可能我想亞傑快d做爸爸.. 等佢激發d 愛出來.不過我知我還有點不知明的憂慮,所以每次祈禱 都會求主按最好的時間才給我..